📌 Key Points
- ప్రభాస్ ఈశ్వర్ సినిమాలో నటించినందుకు జబర్దస్త్ అభికి 11 వేల రెమ్యునరేషన్ లభించింది.
- డ్యాన్స్ మాస్టర్ గా కెరీర్ మొదలుపెట్టి, నటుడిగా, దర్శకుడిగా అభి సినీ ప్రస్థానం సాగింది.
- పాన్ ఇండియా స్టార్ ప్రభాస్ ప్రస్తుత రెమ్యునరేషన్ వంద కోట్ల పైనే ఉండగా, ఇది తొలి సంపాదన.
- అభి దర్శకత్వంలో వచ్చిన రాజ్ తరుణ్ ‘చిరంజీవ’ సినిమా ప్రమోషన్స్ లో ఈ ఆసక్తికర విషయాలు వెల్లడయ్యాయి.
జబర్దస్త్ తో పేరు తెచ్చుకున్న అభి, ప్రభాస్ మొదటి సినిమా ‘ఈశ్వర్’లో నటించినప్పుడు కేవలం 11 వేలు మాత్రమే తీసుకున్నానని వెల్లడించాడు. డ్యాన్స్ మాస్టర్ గా మొదలైన తన సినీ ప్రస్థానం, స్టార్ హీరో పక్కన తక్కువ రెమ్యునరేషన్ వంటి ఆసక్తికర విషయాలు ప్రస్తుతం చర్చనీయాంశంగా మారాయి.
జబర్దస్త్ అభి: కెరీర్ ప్రారంభం, డ్యాన్స్ నుండి దర్శకత్వం
Jabardasth Abhi : ప్రభాస్ ఇప్పుడు పాన్ ఇండియా స్టార్. ఆయన రెమ్యునరేషన్ వంద కోట్ల పైనే. ఇక ఆయన పక్కన నటించే వాళ్లకు కూడా భారీగానే ఉంటుంది ఇప్పుడు. అయితే తాజాగా జబర్దస్త్ తో ఫేమ్ తెచ్చుకున్న అభి ప్రభాస్ పక్కన నటిస్తే పదకొండు వేలు ఇచ్చారు అని చెప్పుకొచ్చాడు.(Jabardasth Abhi)
డ్యాన్స్ తో కెరీర్ మొదలుపెట్టిన అభి ఆ తర్వాత సినిమాల్లో క్యారెక్టర్ ఆర్టిస్ట్ గా చేసాడు. మధ్యలో సాఫ్ట్ వేర్ జాబ్ చేసుకుంటూ దర్శకత్వ శాఖలో కూడా పనిచేసాడు. జబర్దస్త్ లో టీమ్ లీడర్ గా ఫేమ్ తెచ్చుకొని కమెడియన్ గా పలు సినిమాలో నటించాడు. ఇప్పుడు దర్శకుడిగా, హీరోగా కూడా సినిమాలు చేస్తున్నాడు.
ప్రభాస్ ‘ఈశ్వర్’లో అభి పాత్ర, తొలి సంపాదన రహస్యం
ఇటీవలే అభి దర్శకత్వంలో రాజ్ తరుణ్ హీరోగా చిరంజీవ అనే సినిమా వచ్చింది. ఈ సినిమా ప్రమోషన్స్ లో ఇచ్చిన ఇంటర్వ్యూలో అభి ఈ విషయం తెలిపాడు.
పాన్ ఇండియా స్టార్ ప్రభాస్ పక్కన అంత తక్కువ రెమ్యునరేషనా?
అభి ఇండస్ట్రీలో ఫస్ట్ సినిమా ప్రభాస్ ఈశ్వర్. 2002 లో ఈ సినిమా వచ్చింది. ఈ సినిమాలో అభి ప్రభాస్ పక్కన ఫుల్ సినిమా అంతా ఉంటాడు. ఈ సినిమాకు గాను నిర్మాత అశోక్ కుమార్ అభి కి పదకొండు వేల రూపాయల చెక్ ఇచ్చారట. అలా సినీ పరిశ్రమలో తన మొదటి సంపాదన, అది కూడా ప్రభాస్ సినిమాకు పదకొండు వేలు అని తెలిపాడు. అయితే అంతకంటే ముందే 1997 లో డ్యాన్స్ నేర్పిస్తూ మొదట 50 రూపాయలు సంపాదించానని తెలిపాడు అభి.
ప్రభాస్ పక్కన నటించినందుకు 11 వేల రెమ్యునరేషన్ అన్న అభి వ్యాఖ్యలు అతని సుదీర్ఘ సినీ ప్రస్థానాన్ని గుర్తుచేస్తున్నాయి. నేడు దర్శకుడిగా, నటుడిగా ఎదిగిన అభి ప్రయాణం ఎందరికో స్ఫూర్తిదాయకం.
