దుల్కర్ సల్మాన్ నిర్మాణంలో వచ్చిన “లోక” సినిమా భారీ విజయం సాధించింది. అయితే, సినిమాలోని ఒక డైలాగ్ కర్ణాటక నెటిజన్లను కోప్పొందించింది. బెంగుళూరు అమ్మాయిలను విమర్శించినట్లుగా ఆ డైలాగ్ అనిపించడంతో వివాదం చెలరేగింది.
Key Points
దుల్కర్ సల్మాన్ నిర్మించిన "లోక" సినిమా సూపర్ హిట్ అయింది.
సినిమాలోని ఒక డైలాగ్ కర్ణాటక నెటిజన్లను మండిపించింది.
బెంగుళూరు అమ్మాయిలను విమర్శించినట్లుగా ఆ డైలాగ్ అనిపించడంతో వివాదం.
సినిమా యూనిట్ క్షమాపణ చెప్పి ఆ డైలాగ్ తొలగిస్తున్నట్లు ప్రకటించింది.
లోక సినిమా వివాదం
Lokah Movie : ఇటీవల కర్ణాటక జనాలు భాష, ప్రాంతం, సినిమా.. ఇలాంటి పలు విషయాలతో వివాదాల్లో నిలుస్తూ చర్చగా మారుతున్నారు. ఇప్పటికే బెంగుళూరుకు వేరే వాళ్ళు రావొద్దని, తమ కన్నడ భాష మాట్లాడాల్సిందే అని, వేరే స్టేట్స్ వాళ్ళు వెళ్లిపోవాలని గొడవ చేస్తున్నారు. బెంగుళూరు వేరే దేశంలో లేదు అంటూ దీనిపై తీవ్ర విమర్శలు వస్తున్నాయి. ఇక సినిమాలని సినిమాగా చూడకుండా అందులో కంటెంట్ ని కూడా విమర్శిస్తున్నారు.(Lokah Movie)
తాజాగా దుల్కర్ సల్మాన్ నిర్మాతగా కళ్యాణి ప్రియదర్శన్ మెయిన్ లీడ్ లో లోక చాప్టర్ 1 చంద్ర అనే సినిమా రిలీజయింది. సూపర్ వుమెన్ కాన్సెప్ట్ తో వచ్చిన ఈ సినిమా పెద్ద హిట్ అయింది. కేవలం 30 కోట్లతో తెరకెక్కించిన ఈ సినిమా 90 కోట్ల గ్రాస్ వసూలు చేసి 100 కోట్లకు దూసుకుపోతుంది. అయితే ఈ సినిమాపై కర్ణాటక నెటిజన్లు విమర్శలు చేస్తున్నారు.
కర్ణాటక నెటిజన్ల విమర్శలు
లోక సినిమాలో ఓ సీన్ లో బెంగుళూరు అమ్మాయిలను పెళ్లి చేసుకోను వాళ్ళు మంచోళ్ళు కాదు అనే డైలాగ్ ఉంటుంది. ఈ డైలాగ్ పై బెంగుళూరు అమ్మాయిలను విమర్శించారని ట్రోల్ చేస్తున్నారు. అలాగే ఈ సినిమాలో డ్రగ్స్ బిజినెస్ జరిగినట్టు కూడా చూపిస్తారు. దీంతో ఓ కన్నడ దర్శకుడు.. బెంగుళూరు అంటే ఇటీవల డ్రగ్స్, క్రైమ్స్ అన్నట్టు చూపిస్తున్నారు. ఒకప్పుడు బెంగుళూరు అంటే బ్యూటిఫుల్ గా చూపించేవాళ్ళు. ఇదంతా వేరే వాళ్ళు ఇక్కడకు వస్తున్న వలసల వల్లే జరుగుతుంది అని రాసుకొచ్చారు.
ఈ ట్వీట్ చర్చగా మారింది. డైరెక్టర్ మైగ్రేషన్ అనే పదం వాడటంతో బెంగుళూరు వేరే దేశంలో లేదు. ఇండియాలో ఎవరు ఎక్కడైనా బతకొచ్చు అంటూ కౌంటర్ ఇస్తున్నారు. అలాగే సినిమాని సినిమాలా చూడకుండా ఒక దర్శకుడు అయి ఉండి ఇలా కామెంట్ చేయడం ఏంటి అని ఫైర్ అవుతున్నారు కొంతమంది. మొత్తానికి లోక సినిమా కర్ణాటకలో వివాదంగా మారింది.
సినిమా యూనిట్ స్పందన
అయితే బెంగుళూరు అమ్మాయిల డైలాగ్ పై మాత్రం లోక సినిమా యూనిట్ స్పందించి.. మేము ఎవర్ని హర్ట్ చేయాలని పెట్టలేదు.ఎవరి మనోభావాలైన దెబ్బ తిని ఉంటే క్షమించమని చెప్పి ఆ డైలాగ్ తీసేస్తున్నాము అని తెలిపారు.
మొత్తంగా, లోక సినిమా విజయవంతమైనప్పటికీ, కర్ణాటక నెటిజన్ల విమర్శలు, సినిమా యూనిట్ స్పందన వివాదాన్ని తెరమీదకు తెచ్చాయి. ఈ వివాదం సినిమాపై ప్రభావం చూపుతుందో లేదో చూడాలి.
