📌 Key Points
- పెద్ది సినిమా షూటింగ్లో రామ్ చరణ్కు గాయమైంది.
- కంటికి చిన్న గాయం కావడంతో నాలుగు కుట్లు పడ్డాయి.
- గచ్చిబౌలి స్టేడియంలో తిరిగి షూటింగ్లో పాల్గొన్నారు.
- మార్చి 27న రామ్ చరణ్ పుట్టినరోజు సందర్భంగా గ్లింప్స్ విడుదల కానుంది.
మెగా పవర్ స్టార్ రామ్ చరణ్ ‘పెద్ది’ సినిమా షూటింగ్లో గాయపడినప్పటికీ, వెంటనే కోలుకొని తిరిగి షూటింగ్లో పాల్గొన్నారు. గచ్చిబౌలిలో జరుగుతున్న షూటింగ్లో చరణ్ ఉత్సాహంగా పాల్గొంటున్నారు. సినిమా త్వరలో విడుదల కానుంది.
గాయంతోనూ షూటింగ్లో రామ్ చరణ్
Ram Charan: మెగా పవర్ స్టార్ రామ్ చరణ్ తేజ్ (Ram Charan Tej)ఇటీవల పెద్ది సినిమా(Peddi Movie) షూటింగ్లో భాగంగా గాయపడిన సంగతి తెలిసిందే. ఈ సినిమా షూటింగ్ జరుగుతున్న సమయంలో రామ్ చరణ్ కు ప్రమాదం జరగడంతో కంటి పై భాగంలో చిన్నపాటి గాయం తగిలింది. అయితే ఈ భాగంలో నాలుగు కుట్లు పడినట్లు చిత్రబృందం అధికారకంగా తెలియజేశారు. ఇలా చరణ్ కంటి పై భాగంలో ప్రమాదం జరగడంతో అభిమానులు ఆందోళన చెందారు అయితే ఈ ప్రమాదం కారణంగా కంటికి ఎలాంటి ఇబ్బంది లేదని ఎవరు కంగారు పడాల్సిన పనిలేదని చిత్ర బృందం తెలిపారు. ఇలా చరణ్ కు పెద్ద ప్రమాదం తప్పిందనే విషయం తెలిసిన అభిమానులు ఊపిరి పీల్చుకున్నారు.
ఇకపోతే రామ్ చరణ్ కంటికి సర్జరీ చేసిన డాక్టర్ కు ఉపాసన, చిరంజీవి ఇద్దరు ప్రత్యేకంగా అభినందనలు తెలిపిన సంగతి తెలిసిందే. ఇలా రామ్ చరణ్ కు చిన్న ప్రమాదం జరగడంతో ఈయన షూటింగుకు ఏ మాత్రం బ్రేక్ ఇవ్వకుండా షూటింగ్లో పాల్గొనబోతున్నట్లు తెలియజేశారు. అయితే రామ్ చరణ్ నేడు తిరిగి ఈ సినిమా షూటింగ్లో పాల్గొన్నారని తెలుస్తోంది. ప్రస్తుతం ఈ సినిమా షూటింగ్ గచ్చిబౌలి స్టేడియంలో జరుగుతుంది. ఈ నేపథ్యంలోనే రామ్ చరణ్ తిరిగి పెద్ది సినిమా షూటింగ్ సెట్ లోకి అడుగుపెట్టారని తెలుస్తోంది.
గచ్చిబౌలిలో ‘పెద్ది’ సినిమా షూటింగ్
ఇలా కంటికి గాయం అయినప్పటికీ సినిమాని అనుకున్న విధంగానే పూర్తి చేయాలన్న ఉద్దేశంతో చరణ్ ఏమాత్రం విశ్రాంతి తీసుకోకుండా యధావిధిగా సినిమా షూటింగ్ పనులలో భాగం కావడంతో సినిమా పట్ల చరణ్ కు ఉన్న డెడికేషన్ తెలిసిన అభిమానులు ఫిదా అవుతున్నారు. ఇక ఈ సినిమాని ఏప్రిల్ 30వ తేదీ విడుదల చేయాలని చిత్రబృందం భావించారు అయితే ఇంకా షూటింగ్ మిగిలి ఉన్న నేపథ్యంలో ఈ సినిమాని మరోసారి వాయిదా వేస్తున్నారు అంటూ వార్తలు వస్తున్నాయి కానీ ఇప్పటివరకు ఏ విధమైనటువంటి అధికారక ప్రకటన వెలువడ లేదు. మరి ఈ సినిమా ముందుగా చెప్పిన విధంగానే ఏప్రిల్ 30వ తేదీ విడుదల అవుతుందా లేదంటే మరోసారి వాయిదా వేస్తారా అనే విషయంపై చిత్ర బృందం స్పందించాల్సి ఉంది.
చరణ్ బర్త్ డే స్పెషల్ గ్లింప్స్ ..
విడుదల తేదీపై సందిగ్ధత, గ్లింప్స్ విడుదల
ఇక ఈ సినిమాలో రెండు పాటలు షూటింగ్ జరుపుకోవాల్సి ఉందని తెలుస్తోంది. అయితే ఇప్పటికే షూటింగ్ పూర్తి అయిన భాగం మొత్తం డబ్బింగ్ పనులతో పాటు పోస్ట్ ప్రొడక్షన్ పనులను కూడా జరుపుకుంటుంది. ఇక మార్చి 27వ తేదీ రామ్ చరణ్ పుట్టినరోజు కావడంతో ఈ సినిమా నుంచి ఒక గ్లింప్ వీడియోని విడుదల చేయబోతున్నట్టు చిత్ర బృందం అధికారకంగా తెలియజేశారు. కుస్తీ పోటీలకు సంబంధించిన గ్లింప్ విడుదల చేయబోతున్నారని తెలుస్తోంది. ఇప్పటికే సినిమా నుంచి విడుదల చేసిన పాటలు సినిమా పట్ల భారీ స్థాయిలో అంచనాలను పెంచేసాయి. ఈ సినిమాతో రామ్ చరణ్ బుచ్చిబాబు ఇద్దరు పాన్ ఇండియా స్థాయిలో సూపర్ సక్సెస్ అందుకోబోతున్నారని అభిమానులు కూడా భావిస్తున్నారు.
రామ్ చరణ్ గాయపడినప్పటికీ తన సినిమా పట్ల అంకితభావంతో షూటింగ్లో పాల్గొనడం అభినందనీయం. ‘పెద్ది’ సినిమా విడుదల కోసం అభిమానులు ఎంతగానో ఎదురుచూస్తున్నారు. త్వరలోనే విడుదల తేదీ ప్రకటన వెలువడవచ్చు.
