మలయాళ సూపర్ స్టార్ మోహన్ లాల్ నటిస్తున్న భారీ చిత్రం ‘వృషభ’ రిలీజ్ డేట్పై కొనసాగుతున్న ఉత్కంఠకు తాత్కాలికంగా తెరపడింది. పలుమార్లు వాయిదా పడిన ఈ సినిమా క్రిస్మస్ కానుకగా డిసెంబర్ 25న విడుదల కానుందని మేకర్స్ ప్రకటించారు. అయితే ఈ సారైనా వృషభ ప్రేక్షకుల ముందుకు వస్తుందా అనేది వేచి చూడాలి.
Key Points
మోహన్ లాల్ 'వృషభ' పాన్ ఇండియా చిత్రంగా తెరకెక్కింది.
టీజర్ విడుదలైనప్పటి నుంచి భారీ అంచనాలు నెలకొన్నాయి.
పలుమార్లు వాయిదా పడి, ప్రస్తుతం డిసెంబర్ 25న విడుదల కానుంది.
పురాణాల నేపథ్యంలో, మోహన్ లాల్ రాజు పాత్రలో కనిపించనున్నారు.
రిలీజ్ డేట్ పై గందరగోళం
మలయాళ సూపర్ స్టార్ మోహన్ లాల్ నటిస్తోన్న ద్విభాషా చిత్రం వృషభ. ఈ చిత్రానికి నంద కిశోర్ దర్శకత్వం వహిస్తున్నారు. ఇప్పటికే టీజర్ రిలీజ్ చేయగా ఆడియన్స్ నుంచి అద్భుతమైన రెస్పాన్స్ వచ్చింది. ఈ పాన్ ఇండియా చిత్రంపై మోహన్ లాల్ అభిమానుల్లో భారీ అంచనాలు నెలకొన్నాయి. అయితే ఈ ఫుల్ యాక్షన్ మూవీ దీపావళికి రిలీజ్ కావాల్సి ఉంది. మొదట అక్టోబర్ 23న రిలీజ్ చేస్తామని ప్రకటించారు. కానీ ఏమైందో గానీ విడుదల వాయిదా వేశారు.
‘వృషభ’ కథ, పురాణ నేపథ్యం
ఆ తర్వాత మరో డేట్ను రివీల్ చేశారు. నవంబర్ 6న ప్రేక్షకుల ముందుకు రానుందని ప్రకటించారు. ఈ డేట్లో కూడా రిలీజ్ చేయలేదు. తాజాగా మరో కొత్త తేదీని ప్రకటించారు మేకర్స్. ఇక ఈ ఏడాది క్రిస్మస్ కానుకగా డిసెంబర్ 25న థియేటర్లలో ప్రపంచవ్యాప్తంగా విడుదల కానుందని ఓ వీడియోను పంచుకున్నారు. ఈ డేట్లోనైనా రిలీజ్ కానుందా? లేదంటే మళ్లీ సంక్రాంతికి పోస్ట్పోన్ అవుతుందా? అనేది తెలియాలంటే క్రిస్మస్ వరకు ఆగాల్సిందే.
భారీ అంచనాలతో మోహన్ లాల్
కాగా.. ఇప్పటికే రిలీజైన టీజర్ చూస్తుంటే ఈ మూవీని పురాణాల నేపథ్యంలోనే తెరకెక్కించినట్లు అర్థమవుతోంది. విజువల్స్, యాక్షన్ సీన్స్ బాహుబలి తరహాలో మోహన్ లాల్ ఫ్యాన్స్ను ఆకట్టుకున్నాయి. ఈ చిత్రంలో మోహన్ లాల్ తొలిసారిగా రాజు పాత్రలో కనిపించనున్నారు. ఈ చిత్రంలో సమర్జిత్ లంకేష్, రాగిణి ద్వివేది కీలక పాత్రల్లో కనిపించనున్నారు. ఈ సినిమాను అభిషేక్ ఎస్ వ్యాస్ స్టూడియోస్, కనెక్ట్ట్ మీడియా, బాలాజీ టెలిఫిల్మ్స్ బ్యానర్లపై నిర్మించారు.
‘వృషభ’ చిత్రం రిలీజ్ డేట్ విషయంలో గందరగోళం కొనసాగుతున్నప్పటికీ, టీజర్ చూపించిన గ్రాండ్నెస్ సినిమాపై అంచనాలను పెంచింది. డిసెంబర్ 25న ఈ చిత్రం ప్రేక్షకుల ముందుకు వస్తుందో లేదో చూడాలి.
