📌 Key Points
- హనీ రోజ్కు షాపింగ్ మాల్ ప్రారంభోత్సవంలో చేదు అనుభవం.
- సెల్ఫీ దిగే నెపంతో నటి నడుముపై చేయి వేసిన వ్యక్తి.
- ఘటనకు సంబంధించిన వీడియో సోషల్ మీడియాలో వైరల్.
- నిందితుడిపై నెటిజన్లు ఆగ్రహం వ్యక్తం చేస్తున్నారు.
హీరోయిన్ హనీ రోజ్కు ఒక షాపింగ్ మాల్ ప్రారంభోత్సవంలో ఊహించని చేదు అనుభవం ఎదురైంది. సెల్ఫీ దిగేందుకు వచ్చిన వ్యక్తి అసభ్యంగా ప్రవర్తించడంతో ఆమె షాక్కు గురైంది. ఈ ఘటనకు సంబంధించిన వీడియో వైరల్ అవుతోంది.
హనీ రోజ్కు చేదు అనుభవం ఎక్కడ?
Honey Rose: సినీ తారలకు గ్లామర్ ఎంత ఉంటుందో, బయట ప్రపంచంలో వారికి రక్షణ అంతకంటే తక్కువగా ఉంటోందని చెప్పడానికి తాజాగా జరిగిన ఒక సంఘటన నిదర్శనంగా నిలిచింది. మలయాళీ ముద్దుగుమ్మ, తెలుగులో ‘వీరసింహారెడ్డి’ సినిమాతో భారీ క్రేజ్ సంపాదించుకున్న నటి హనీ రోజ్ కు ఒక షాపింగ్ మాల్ ప్రారంభోత్సవంలో అత్యంత దారుణమైన అనుభవం ఎదురైంది. అభిమానం పేరుతో కొందరు వ్యక్తులు చేసిన పని ఇప్పుడు సోషల్ మీడియాలో చర్చనీయాంశంగా మారింది.
Read also- నిండు నూరేళ్ల సావాసం మార్చి 30: లాల్ సింగ్ ట్రాప్ లో పడిపోయిన రణవీర్
కేరళలోని ఒక ప్రముఖ పట్టణంలో కొత్తగా ఏర్పాటు చేసిన షాపింగ్ మాల్ ప్రారంభోత్సవానికి హనీ రోజ్ను ముఖ్య అతిథిగా ఆహ్వానించారు. ఆమె క్రేజ్ దృష్ట్యా, ఆమెను చూడటానికి, ఒక సెల్ఫీ తీసుకోవడానికి అభిమానులు వేల సంఖ్యలో తరలివచ్చారు. మాల్ నిర్వాహకులు భారీ భద్రత ఏర్పాటు చేసినప్పటికీ, అభిమానుల తాకిడిని తట్టుకోవడం కష్టమైంది. ప్రారంభోత్సవం ముగించుకుని హనీ రోజ్ బయటకు వస్తున్న సమయంలో, కొందరు యువకులు ఆమెతో సెల్ఫీ దిగడానికి ఎగబడ్డారు. నటి కూడా ఎంతో ఓపికగా, చిరునవ్వుతో వారితో ఫోటోలకు ఫోజులిచ్చారు. అయితే, అదే సమయంలో ఒక వ్యక్తి సెల్ఫీ తీసుకునే నెపంతో ఆమెకు అతి దగ్గరగా వచ్చి, ఆమె నడుముపై చేయి వేసి అసభ్యంగా తాకాడు.
సోషల్ మీడియాలో వైరల్ అవుతున్న వీడియో
ఊహించని ఈ ఘటనతో హనీ రోజ్ ఒక్కసారిగా షాక్కు గురయ్యారు. ఆ వ్యక్తి ప్రవర్తనతో తీవ్ర అసౌకర్యానికి లోనైన ఆమె, వెంటనే అతని చేతిని పక్కకు నెట్టివేసి అక్కడి నుంచి వెనుదిరిగారు. ముఖంలో అసహనం స్పష్టంగా కనిపిస్తున్నప్పటికీ, అక్కడి పరిస్థితిని గమనించి ఆమె ఎవరినీ ఏమీ అనకుండానే వేగంగా తన కారు వైపు వెళ్లిపోయారు. సాధారణంగా సెలబ్రిటీలు ఇలాంటి సమయాల్లో సంయమనం కోల్పోతుంటారు, కానీ హనీ రోజ్ చాలా హుందాగా ఆ ప్రదేశాన్ని వీడారు.
Read also- విలక్షణ నటుడు ప్రకాష్ రాజ్ కు మాతృవియోగం!
ఈ ఘటనకు సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. సదరు వ్యక్తి ప్రవర్తనపై నెటిజన్లు తీవ్రస్థాయిలో మండిపడుతున్నారు. “సెల్ఫీ అడగడం హక్కు కాదు, అది సెలబ్రిటీలు మనకిచ్చే గౌరవం. ఆ గౌరవాన్ని కాపాడుకోకుండా ఇలాంటి చిల్లర పనులు చేయడం ఏంటి?” అని నెటిజన్లు ప్రశ్నిస్తున్నారు. మరికొందరు హీరోయిన్ల భద్రత విషయంలో మాల్ నిర్వాహకులు బౌన్సర్లు వైఫల్యం చెందారని విమర్శిస్తున్నారు. గతంలో కూడా పలువురు అగ్ర హీరోయిన్లకు ఇలాంటి వేధింపులు ఎదురయ్యాయి. మాల్ ఓపెనింగ్స్ వంటి రద్దీ ప్రదేశాలకు వెళ్లినప్పుడు మహిళా సెలబ్రిటీలకు పటిష్టమైన రక్షణ కల్పించాల్సిన బాధ్యత నిర్వాహకులపై ఉందని పలువురు అభిప్రాయపడుతున్నారు.
నెటిజన్ల ఆగ్రహం, మండిపాటు
ఇంతకు మందు ఇలాంటి ఘటనలు జిరిగిన సందర్భాలు కూడా చాలానే ఉన్నాయి. ఇటీవల నిధి అగర్వాల్ కూడా ఇదే జరగడంతో హీరోయిన్లు బధ్రత కరువైందని వారు అభిమానులు భావిస్తున్నారు. ప్రస్తుతం ఈ వార్త సినీ వర్గాల్లో హాట్ టాపిక్గా మారింది. ఈ ఘటనపై హనీ రోజ్ ఇప్పటివరకు అధికారికంగా స్పందించనప్పటికీ, వైరల్ అవుతున్న వీడియో మాత్రం ఆమె అభిమానులను కలచివేస్తోంది. సెలబ్రిటీల పట్ల ఇలాంటి అసభ్య ప్రవర్తనలు పునరావృతం కాకుండా ఉండాలంటే కఠినమైన చర్యలు తీసుకోవాల్సిన అవసరం ఎంతైనా ఉంది. దీనిపై హనీ రోజ్ ఎలా స్పందిస్తారో చూడాలి మరి.
హీరోయిన్ హనీ రోజ్.. నడుము పట్టుకున్న అభిమాని.. #HoneyRose #ActressHoneyRose #Tollywood #BIGTVCinema pic.twitter.com/3o1i1kxDDE
— BIG TV Cinema (@BigtvCinema) March 30, 2026
హనీ రోజ్కు జరిగిన ఈ సంఘటన సెలబ్రిటీలకు భద్రత కల్పించాల్సిన అవసరం ఎంతైనా ఉందని గుర్తు చేస్తుంది. ఇలాంటి ఘటనలు పునరావృతం కాకుండా చూడాల్సిన బాధ్యత అందరి మీద ఉంది.
